كيكة التفاح apple cake recipe

طريقة عمل وصفة كيكة التفاح – كيكة هشة ولذيذة وسهله وسريعة كانها جاهزه مكتوبة بالصور

apple cake recipe

مكونات ومقادير عمل وصفة كيكة التفاح :

٣ أكواب طحين منخول


نص ملعقة صغيرة قرنفل


ملعقة صغيرة بهار حلو allspice


نص ملعقة صغيرة زنجبيل


ملعقة صغيرة بيكنج صودا


ملعقة صغيرة ملح


نص كيلو تفاح أخضر مقشر ومقطع مكعبات حجمها تقريبا نص صانتي


كوب سكر بني


كوب ونص زيت


كوب سكر أبيض


٣ بيضات


٣ ملاعق صغيرة فانيلا سايلة


٣/٤ كوب بيكان مقطع صغار ( تقدرين تستخدمين جوز لو تبين )

للصوص :

أصبع زبدة


ربع كوب حليب


كوب سكر بني


ملعقة صغيرة فانيلا سايلة

كيفية وطريقة عمل وتحضير و إعداد وصفة كيكة التفاح :

سخني الفرن على ٣٥٠

أدهني صينية كيك اللي تجي بعامود بزيت أو زبده

أنخلي الطحين مع البهارات و الملح و البيكنج صودا في صحن .

حطي ٣ ملاعق من الطحين في الصينية حقت الكيكة وهزيها زين عشان توزعين الطحين عالصينية

أخلطي التفاح مع ملعقتين كبار من خليط الطحين في صحن ثاني .

أخلطي الزيت مع كوب من السكر البني وكوب السكر الأبيض و البيض و الفانيلا في صحن ثاني وبخلاط كهربائي أخلطيهم إلين يكون لك خليط ثقيل ومنفوش شوي . أخلطي الطحين و حركي شوي شوي بعدين التفاح و البيكان و أخلطي شوي شوي إلين يكون خليط متجانس .

صبي الخليط في صينية الكيك ودخليها الفرن إلين يطلع منها عود نظيف تقريبا ساعة .

الحين والكيك يبرد نسوي الصوص . نذوب الزبدة في قدر على حرارة وسط . نضيف عليها كوب السكر البني و الحليب ونخليط بعدين نخليه يوصل غليه ونخليه يطبخ على غليه خفيفه ٥ دقايق تقريبا . نطفي النار ونحط الفانيلا . الحين نصب تقريبا ربع كوب من الصوص على الكيك الدافي ونخليه يتشربه تقريبا ربع ساعة بعدين نقلب الكيكة على صحن ونزينها بباقي الصوص

طريقة عمل وصفة كيكة التفاح - كيكة هشة ولذيذة وسهله وسريعة كانها جاهزه مكتوبة بالصور